ARAUJO PIEL, S.A. é o reflexo de anos de experiencia no sector peleteiro do seu fundador, Herminio Araujo Rodríguez, quen dirixe e xestiona a empresa xunto con Celsa Araujo no proceso creativo. O seu proxecto comezou hai 30 anos cun pequeno obradoiro en Ourense, que co tempo desembocou nunha empresa que ocupa os primeiros postos do seu sector en España. O seu lema fundamental é a calidade e o servizo aos seus clientes.

Nese afán de chegar de maneira directa aos seus clientes, desenvolveu un canal de distribución no que integran todos os procesos da cadea de valor, fabricación-distribución-venda, facendo posible unha atención esmerada e unha resposta áxil ás necesidades do mercado, tanto da rede de tendas propias (10 estabelecementos repartidos entre Galicia, León e Portugal) como da importante carteira de comerciantes polo miúdo, distribuídos por toda España e Portugal.

As bases do éxito da nosa empresa atópanse non só na calidade das nosas materias primas e na innovación continua dos nosos deseños, senón tamén na ampla gama de servizos e solucións entorno ao mantemento e conservación da pel, arranxos e transformacións, onde se da cabida a calquera necesidade suxerida polos nosos clientes.

Cada temporada intentamos coñecer e que nos coñezan, polo que a nosa participación en feiras tanto nacionais como internacionais é unha prioridade ano tras ano. Esta actividade de difusión compleméntase coa celebración de diversos desfiles, dos cales ó máis relevante é Pontus Veteris.

Herminio Araujo é presidente da asociación de peleteiros galegos desde hai máis dunha década. Ademais, forma parte da directiva de IBERPIEL, entidade que xestiona as actividades do sector, sobre todo no relacionado con IFEMA, e da directiva da organización española de empresas de peleterías (OEEP).