A Empresa

TOYPES nace en Lalín como Sociedade Mercantil en 1983 (aínda que o seu proxecto empresarial xa fora iniciado 5 anos antes), da man de Manuel Novo e Ramón González, dous mozos emprendedores formados en firmas téxtiles da comarca, e que apostan por facerse un oco no mundo da moda feminina. 25 anos despois tanto Lalín como TOYPES convertéronse en referentes no sector téxtil e no mundo da Moda.

As nosas instalacións fabrís son na actualidade un centro de produción de 8.500 m2. nas aforas da vila, dotado das últimas tecnoloxías en procesos de fabricación.

Os recursos humanos, formados por cerca de 100 profesionais de elevada cualificación e dilatada permanencia na Empresa, posibilitaron, en combinación cos medios de produción indicados, unha traxectoria ascendente nas cifras de negocio, cun crecemento medio nos últimos anos do orde do 4%, e unhas exportacións en torno ao 20% do volume total.

A Marca

A marca TOYPES identifícase cun produto de prestixio que abarca toda a gama de prenda exterior feminina, calzado e complementos, cuxos niveles de deseño e calidade conseguiron situala entre as máis recoñecidas do seu segmento. O produto estrutúrase en dúas Coleccións: Primavera-Verán e Outono-Inverno, que foron presentadas cada campaña na Pasarela Gaudí (Barcelona) e Pontus Veteris (Pontevedra), ademais de participar nos Salóns Nacionais e Internacionais de Moda máis emblemáticos, como a Semana Internacional de la Moda (Madrid), Salón Moda Barcelona (Barcelona), Moda UK (Reino Unido), Prêt-à-Porter (París), Fashion Coterie (Nova York) e CPM (Moscova).