O branco como cor atemporal e aposta segura. Elegante, feminino e tremendamente “chic”, o branco é a cor máis discreta e rechamante ao tempo. É esa linguaxe que parece non dicir nada e di todo do vestiario da muller.

Mandarinas, beiges... Combinados ou en solitario achegando tonalidades á luminosidade da estación. Predominan os vestidos como peza de roupa clave do verán. A miúdo sen manga baixo chaquetas ou boleros. Sempre entallados marcando o talle. Sempre deixando ao aire o xeonllo. Sempre estreitos no baixo.

Beiges, negros, cavas... Cores que se mesturan xogando en combinacións enormes ou en pequenos detalles. Chaquetas de manga ranglan de inspiración oriental: estreitas de ombreiros pero amplas de mangas. Liña en “a” para elas.

Por debaixo: vestidos moi elegantes de talle lixeiramente alto. Longo sobre xeonllo. Saias estreitas hiperfemininas. Combinación de tecidos cor sobre cor. Materiais estruturados mesturados con tules suaves e románticos. Lazadas sobresaíntes e un peche de coctail. De casamento con chapeu, de cerimonia ao ar libre. É o broche a unha colección onde impera a elegancia da alta costura e onde a distinción é o valor mais buscado.

AFRICAN BLUE

Non ás cores tristes e apagadas. Deixemos que impacte a luz sobre as nosas cores flúor como os rosas chicle, os verdes rechamantes, os amarelos... Momentos moi “náuticos” coas raias mariñeiras como protagonistas en azuis e vermellos engraece combinados co branco. É a época do verán dos anos 20, dos clubs náuticos de antano. Impermeables curtos, atrevidos, pantalóns largos e estreitos, altos e baixos pero iso si: as saias sempre curtas ensinando xeonllo e algo mais…