REMINISCENCIAS DO PERÍODO DE ENTREGUERRAS

Traxes que combinan a pegada deixada pola xastraría artesanal, pero fuxindo do encorsetamento, para chegar ao aspecto elegantemente relaxado. Cortes limpos que conxugan o bo vestir coa liberdade de movemento, como necesidade dos novos modos de vida actuais. Innovadores tecidos como o algodón-seda e a la-seda, de tacto fresco e maino que nos achegan a grata sensación de sentirse a gusto.

Nesta liña o punto e os polos con acabados de camisa dannos a nota de fantasía con diferentes deseños de cadros pequenos e milraias. Da man da camisaría chéganos toda a paleta de pasteis, que nos convidan a degustar o verán: morango, azul ceo, amarelo limón, aquamarinas, acabados lavados,... Como cores protagonistas atoparemonos unha nova cor champán, e as fieis á marca como a gama de azuis e gris.

Unha colección para o home cunha sensibilidade in péctore que procura as súas raíces a través da moda pero tendo presente o toque de vangarda.