Estimados señores:

Como Presidente da Cámara de Comercio, teño o pracer de comunicarlles a celebración da XXII Edición da Pasarela Pontus Veteris, que terá lugar o día 16 de setembro de 2008 no Recinto Feiral de Pontevedra.

Desde a Cámara somos conscientes de que o groso da industria téxtil e en particular o sector da moda-confección, o deseño é claramente galego; de feito, é o que está experimentando o crecemento máis espectacular na nosa Comunidade Autónoma.

Isto unido ao prestixio que posúen as firmas que participan na pasarela á súa notable presenza noutros desfiles tanto nacionais como internacionais, fan deste evento unha cita ineludible para todos aqueles empresarios, deseñadores, comerciantes, medios de comunicación e profesionais que queiran coñecer as novidades do sector.

A XXI Edición da pasarela, suporá de novo un gran espectáculo retransmitido pola TVG e que será seguido en directo por case 2000 persoas o que suporá un gran esforzo organizativo para a Institución que presido e para todos aqueles profesionais que participan na organización da mesma.

Desde a Cámara de Comercio de Pontevedra, quero invitarlles a que nos acompañen o día 16 de setembro, acudindo ao recinto feiral de Pontevedra ou seguindo o Certame por TVG.

Reciban un cordial saúdo

RICARDO MIRÓN GUTIÉRREZ
PRESIDENTE DA CÁMARA DE COMERCIO DE PONTEVEDRA